Álagningu fasteignagjalda hjá Stykkishólmsbæ 2015

Álagningarseðlar fasteignagjalda fyrir árið 2015 verða nú ekki sendir út í pappír, heldur munu þeir verða aðgengilegir rafrænt í gegnum www.island.is.
Greiðsluseðlar verða heldur ekki sendir út í pappír til þeirra sem fæddir eru eftir 1948, nema þess sé sérlega óskað.
Gjalddagar fasteignagjalda verða sex, frá 1. febrúar, 1. mars, 1. apríl, 1. júní, 1. ágúst og 1. október.
Hægt er að greiða fasteignagjöld með boðgreiðslum, og ef þess er óskað, vinsamlegast hafið samband við skrifstofur Stykkishólmsbæjar sem fyrst.
Lækkun fasteignaskatts á íbúðum elli- og örorkulífeyrisþega er reiknuð við álagningu fasteignagjalda. Afslátturinn er hlutfallslegur að teknu tilliti til allra skattskyldra tekna skv. skattframtali.
Ekki er þörf á að sækja sérstaklega um þennan afslátt.
Hægt er að senda fyrirspurnir á netfangið thor@stykkisholmur.is eða hringja í
síma 433-8100.
Þór Örn Jónsson bæjarritari Stykkishólmsbæjar