Miðvikudagur , 19. desember 2018

Gjöf til björgunarsveitarinnar Elliða

Isavia merki
Isavia gefur björgunarsveit tækjabúnað.

Klukkan tíu í fyrramálið (laugardaginn 12. október) afhendir Isavia björgunarsveitinni Elliða á Snæfellsnesi Argo fjölfar sem notað hefur verið á Akureyrarflugvelli í sex ár og Isavia hyggst nú endurnýja. Afhendingin fer fram í Laugagerðisskóla.

Tækið sem um ræðir er einstakt farartæki sem kemst auðveldlega um torfarin svæði, meðal annars leirur, votlendi, mýrlendi auk þess sem farið er hægt að nota á vatni og landi. Argo farið kemur sér vel fyrir sveitina þar sem svæðið sem hún vinnur á er á köflum torfarið. Löngufjörur eru dæmi um fjölfarið ferðamannasvæði þar sem farið nýtist mjög vel.

Þegar Elliði heyrði af því að Isavia ætlaði að endurnýja fjölfarið, falaðist sveitin eftir því að kaupa það. Segja má að tekið hafi verið meira en vel í þá fyrirspurn því ákveðið var að gefa sveitinni farið í stað þess að hún keypti það. Verkefnið fellur vel að markmiðum styrktarsjóðs Isavia en eitt af helstu markmiðum sjóðsins er að efla hópslysaviðbúnað björgunarsveita landsins.