Laugardagur , 22. september 2018

Íslenskar hetjur Einars

20090227-Einar Karason

Landnámssetrið í Borgarnesi lætur ekki deigan síga og bryddar upp á enn einni sýningunni og að þessu sinni stígur Einar Kárason, rithöfundur, á stokk og frumsýnir laugardaginn 26. október kl. 20 Íslenskar hetjur frá Gretti til Péturs Hoffmanns. Einar er sagnamaður af lífi og sál og hrífur áhorfendur auðveldlega með sér inn í töfraheim sagnalistarinnar. Að þessu sinni fer hann með okkur í gegnum Íslandssöguna í 1000 ár allt frá tímum Grettis Ásmundarsonar til Péturs Hoffmanns. Einar segir okkur sögur af alvöru hetjum, merkilegu og skemmtilegu fólki sem á vegi okkar verða á leiðinni í gegnum aldirnar.