Laugardagur , 25. nóvember 2017

Jól í skókassa í Stykkishólmi & Helgafellssveit

Móttaka á skókössum verður í Stykkishólmskirkju fimmtudaginn 2. nóvember frá kl. 16 – 18 .
Sýnishorn af tilbúnum skókössum verða í:
Bókaverzlun Breiðafjarðar Borgarbraut 1 og
Pósthúsinu Aðalgötu 25
„Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir.
Með slíkum gjöfum er þeim sýndur kærleikur Guðs í verki.
Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.
Þetta verkefni byrjaði fyrir jólin 2004 þá ákvað hópur ungs fólks innan KFUM & KFUK að láta reyna á verkefnið hér á landi. Undirtektirnar voru frábærar og söfnuðust rúmlega 500 kassar það árið. Verkefnið hélt svo áfram að spyrjast út og árið 2005 urðu skókassarnir 2600. Sú tala hefur síðan tvöfaldast því undanfarin ár hafa borist í kringum 5000 gjafir
Skókassarnir verða sendir til Kirovograd í Úkraínu. Í Úkraínu búa um 46 milljónir manna.
Atvinnuleysi er þar mikið og ástandið víða bágborið. Á því svæði þar sem jólagjöfunum verður dreift ríkir mikil örbirgð.
Íslensku skókössunum verður meðal annars dreift á munaðar-leysingjaheimili, barnaspítala og til barna einstæðra mæðra sem búa við sára fátækt.
Kirkjan í Úkraínu er rússnesk rétttrúnaðarkirkja, en KFUM í Úkraínu starfar innan þeirrar kirkjudeildar.
Aðalskipuleggjandi dreifingarinnar í Úkraínu er faðir Evheniy Zhabkovskiy sem komið hefur hingað til lands í heimsókn hingað í Hólminn
Heimasíða KFUM og KFUK er www.skokassar.net
Við hér í Stykkishólmi og Helgafellssveit erum með facebooksíðu https://www.facebook.com/groups/jol.i.skokassa.stykkisholmur/