Fimmtudagur , 20. september 2018

Norðurljósin 2016

Menningarhátíðin Norðurljósin verður haldin í fjórða sinn í Stykkishólmi dagana 20.–23. október 2016. Við leitum því að aðilum sem hafa áhuga á að standa fyrir viðburðum, sýningum, skemmtunum og gjörningum, hvort heldur sem eru einstaklingar, skólar, félagasamtök, klúbbar eða fyrirtæki.

Einnig þeim sem eru með hugmyndir eða hafa áhuga á að koma sér eða öðrum á framfæri. Við leggjum áherslu á að hátíðin sé sjálfbær og að bæjarbúar skemmti bæjarbúum og gestum.Endilega takið frá þessa daga í október og notið tækifærið og bjóðið gestum heim.

Svo viljum við benda á að Norðurljósin eru með facebooksíðu. Endilega sláið inn Norðurljósin og látið ykkur líka við síðuna. Á netfangið norðurljosin@stykkisholmur.is er hægt að koma með hugmyndir og ábendingar varðandi hátíðina.

Fyrir hönd Norðurljósahátíðarinnar,
Þórunn Sigþórsdóttir