Föstudagur , 16. nóvember 2018

Sumarmót SamVest

1404 (1 of 1)Árlegt sumarmót SamVest var haldið á Völuvelli á Bíldudal laugardaginn 13. ágúst sl. Það var Héraðssambandið Hrafna-Flóki sem bauð til mótsins á Völuvelli á Bíldudal. Aðstæður á vellinum voru prýðilegar; atrennubraut langstökks og svæði fyrir hástökk og spjót eru lögð tartanefni og hlaupabrautin var mjög hörð og góð og merkt af HHF fyrir mótið. Við völlinn er glænýtt vallarhús með salernum, en gamla húsið fauk í óveðri síðasta vetur. Þess má geta að árið 2000 var Unglingalandsmót UMFÍ haldið á Bíldudal en það var í fyrsta sinn sem ULM var haldið um verslunarmannahelgi.
Vesturbyggð bauð gestum gistingu á tjaldsvæðum sínum án endurgjalds.
Þátttakendur voru á aldrinum 6 til 18 ára, fimm fullorðnir voru meðal keppenda.

Allt gekk vel fyrir sig og allar greinar vel mannaðar starfsfólki HHF, auk nokkurra hjálparkokka frá öðrum samböndum. Grillaðar voru pylsur í mótslok og í lokin tilkynnt um úrslit.

HHF stóð sig frábærlega við undirbúning og umsjón með mótinu.

Björg Ágústsdóttir form. framkvæmdaráðs SamVest