Laugardagur , 23. september 2017

Malbikunarframkvæmdir í Stykkishólmi

Tilkynning um malbikunarframkvæmdir á vegum Stykkishólmsbæjar.

Á næstu dögum verða malbikunarframkvæmdir við eftirtaldar götur í Stykkishólmi.

Hamraendi, Nesvegur að hluta, plan við Áhaldahús, Silfurgata, Reitarvegur, Hafnargata að hluta og Smiðjustígur.

Húseigendur og vegfarendur við þessar götur eru beðnir um að taka tillit til aðstæðna og þeirrar truflunar sem verður vegna vinnuvéla sem eru notaðar við malbikunina. Stjórnendur atvinnufyrirtækja á svæðinu eru beðnir um að taka tillit til þessara aðstæðna og skipuleggja flutninga að og frá vinnustöðum miðað við aðstæður. Frekari upplýsingar um tímasetningu framkvæmda eru veittar af bæjarverkstjóra Högna Friðriki Högnasyni í síma 8921189 og á skrifstofu Stykkishólmsbæjar í síma 4338100.

Síðar í mánuðinum verður sent út tilkynning um framkvæmdir vegna viðgerða á slitlagi gatna og um nýlagnir slitlags með klæðningu.

Bæjarstjóri