Fréttir

Vatnslaust um tíma í Stykkishólmi

Vatnslaust varð í Stykkishólmi laust eftir kl.11 í morgun er heimæðin inn í bæinn var tekin í sundur rétt neðan við Hamraenda. Það var verktaki sem var að vinna við nýju affallslögnina sem hjó í þá gömlu með þeim afleiðingum að gat kom á lögnina. Starfsmenn Orkuveitunnar hófu þegar viðgerð sem tafðist þó sökum þess að mikið vatn var í lögninni og mikið rann úr henni eftir að skrúfað hafði verið fyrir hana. Það tók því tíma að komast að biluninni. Viðgerð er nú lokið og vatn var komið á að nýju rétt eftir kl.14.

Meira..»

Skákæfing Roni Horn og Fischers aprílgabb

Aprílgabbið á snaefellingar.is var fréttin um fyrirhugaða skákæfingu og fjöltefli Bobby Fischers og Roni Horn í Vatnasafninu. Stykkisholmsposturinn.is vonar að þeir sem hlupu apríl hafi ekki orðið meint af. En umferðin um Vatnasafnið á sunnudaginn sýnir að það er greinilegur áhugi fyrir skákinni og ekki ólíklegt að Bobby Fischer hafi líka trekkt sem og innanbæjarkonan Roni Horn.

Meira..»

Bobby Fisher kennir skák

Eins og alkunna er þá hefur Bobby Fischer fyrrum heimsmeistari í skák sýnt áhuga á því að setjast að hér í Stykkishólmi. Hann mun ætla að prufa að dvelja hér í sumar og hyggst þá aðstoða vinkonu sína Roni Horn við það að útbreiða skáklistina í Stykkishólmi með skákkenslu í Vatnasafninu. Þau munu kynna þessi áform sín með smá fjöltefli og skákæfingu kl.14:00 í dag í Vatnasafninu. Allir eru velkomnir en munið að taka töflin með.

Meira..»

Framboðsfundur Stöðvar 2

Fréttastofa Stöðvar 2 og Ísland í dag munu standa fyrir röð kosningafunda á næstu vikum í tilefni komandi Alþingskosninga í maí. Fyrsti fundurinn var hér í Stykkishólmi síðasliðinn miðvikudag 28.mars.

Meira..»

Framkvæmdir hafnar nið’rá plássi

Borgarverk hefur nú hafið framkvæmdir við yfirborðsfrágang og fegranir í miðbænum.  Erla Friðriksdóttir bæjarstjóri skrifaði af því tilefni í 12.tbl. Stykkishólms-Póstsins og greindi frá framkvæmd verksins.  Myndir eru Stykkishólms-Póstsins.

Meira..»

Velheppnuð skíðaferð

Krakkarnir í 7.bekk komu heim í gær eftir velheppnaða skíðaferð til Dalvíkur. Þangað fóru þau seinnipart síðastliðins sunnudags og áttu mjög fína daga á Dalvík. Sjá myndir úr ferðinni hér.

Meira..»

Svavar Edilons sjötugur

Það má ekki gleymast að gleðjast með afmælisbörnum dagsins þó spennan magnist fyrir leik kvöldsins.  Svavar Edilonsson Tjarnarási 7 er sjötugur í dag og óskar Stykkishólms-Pósturinn honum til hamingju með daginn.

Meira..»