Fréttir

Það var þokkaleg mæting á fund L-lista í kvöld Stykkishólms-Pósturinn treystir sér þó ekki til að nefna neinar tölur, því bæði framboðin virðist fá all verulega í hnén þegar tölur eru annars vegar. 

Heldur hefur hitnað í kolunum nú síðustu daga í  kosningamálunum.  Nú hefur L-listinn boðað til opins fundar í kvöld kl. 21 í sal Hótels Stykkishólms.  Fundurinn kemur sem framhald af orðaskiptum framboðanna um fjármál bæjarsjóðs.   

Leikskólinn stígur skrefin sjö og stefnir á Grænfánann.

Sú mikla atorkukona Sesselja Pálsdóttir hefur verið dugleg við ýmsar safnanir fyrir hlutum og tækjum sem koma sér vel fyrir samfélagið hér í Stykkishólmi.  Í dag kom hún færandi hendi og afhenti Dvalarheimilinu hljóðtæki og dagljósarlampa að gjöf.

Síðastliðinn fimmtudag var gengið frá sperrunum í seinna húsið fyrir Robert & Robert sem Sumarbústaðir ehf eru að byggja fyrir þá í Tjarnarásnum og var að sjálfsögðu flaggað að því tilefni. Robert eldri mætti með velgjörðir, diet coke og prins pólo sem smiðirnir voru að gæða sér á þegar að fréttaritara bar að. 

Skipavíkurmenn steyptu síðasta hluta loftplötunnar í nýja leikskólanum síðastliðinn 
föstudag.  Það var síðasta
steypan í burðarvirki skólans 
og við slík tækifæri voru nú 
haldin mörg og skrautleg reisu-
gillin í gamla daga. 

Að höfðu samráði beggja framboða hefur verið ákveðið að vegna þegar auglýstra viðburða í Stykkishólmi dagana 22.-27.maí verði ekki sameiginlegur framboðsfundur að þessu sinni.
Bæjarbúum er bent á að hægt er að fá upplýsingar um stefnumál listanna á kosningaskrifstofum þeirra daglega fram til kjördags.

                f.h. D-lista                                    fh. L-lista
        Gretar D. Pálsson                            Lárus Ástmar Hannesson
 
                                                                                                Fréttatilkynning    

Nefnd danskra daga hefur nú fengið nýtt símanúmer og einnig er komið netfang fyrir danska daga.  Netfangið er  danskir@anok.is  síminn er 898 1477. Verið er að hóa saman í nefnd og mun hún halda sinn fyrsta fund fljótlega.

Og hvað eru mörg f í því.  Hann  var vígalegur með sköfuna hann Sumarliði Árnason, eigandi veitingahússins Fimm fiska, þar sem hann skóf gluggana á veitingahúsinu.  Sumarliði vinnur nú að því að skafa málinguna af húsinu að utan og mála það upp á nýtt

Nú er senn að ljúka viðburðaríku skólaári hjá tónlistarskólanum.  Nálægt 120 nemendur hafa stundað nám við skólann í vetur og 5 kennarar kennt auk skólastjóra.  Framundan eru árlegir vortónleikar og svo skólaslit, eins og sjá má í auglýsingu hér í blaðinu.