Íþróttir

Flottur sigur hjá stelpunum

Snæfell byrjaði vel í Iceland Expressdeild kvenna í kvöld þegar liðið sigraði Val 59-63 í spennuleik þar sem úrslitin réðust ekki fyrr en á lokasekúndunum. Leikurinn fór fram á Hlíðarenda og með sigrinum er Snæfell búið að vinna eitt af þeim liðum sem spáð var ofar í deildinni í árlegri spá forráðamanna, fyrirliða og þjálfara liðanna í upphafi móts. Kirsten Green var stigahæst með 16 stig, Gunnhildur 14 og Berglind 13. Sjá nánari tölfræði hér.

Meira..»

Öruggur sigur í drengjaflokki

Drengjaflokkur Snæfells varð fyrstur flokka Snæfells til að hefja keppni á íslandsmótinu en hann gersigraði lið Vals í kvöld 100-38 en liðin eru í A-riðli. Snæfell er reyndar í samstarfi við Skallagrím í drengjaflokki og leikur flokkurinn því heimaleiki sína til skiptis í Stykkishólmi og Borgarnesi. Þetta er greinilega feiknasterkt lið hjá Snæskallanum eða Snægrími eins og gárungarnir kölluðu liðið í kvöld og það verður spennandi að fylgjast með framhaldinu hjá drengjaflokknum í vetur.  Tölfræðin

Meira..»

Guðni með Bakken í sigri

Bakken Bears, lið Guðna Valentínusarsonar sigraði í gærkvöldi lið Åbyhøj 76-84 á útivelli í dönsku deildinni sem er nýhafin. Bakken Bears urðu meistarar í fyrra og Guðni gerði sem kunnugt er samning við þá sl.vor en hann lék með B-liði þeirra í fyrra. Guðni spilaði tæpar 9 mínútur en náði ekki að skora. Sjá tölfræðina hér.

Meira..»

Tap gegn Grindavík

Snæfell varð enn að bíta í það súra að tapa fyrir Grindavík í fjögurra liða úrslitum Poweradebikarsins en þessi lið mættust líka í fyrra og þá sigraði Grindavík einnig.  Í leiknum í gær leiddi Grindavík nánast allan tímann og náðu mest 19 stiga forskoti en Snæfell gafst aldrei upp og náði muninum niður í 6 stig minnst en lokatölur urðu 95-89.

Meira..»

Snæfell mætir Grindavik í kvöld

Eftir öruggan sigur á Stjörnunni s.l. sunnudag er Snæfell komið í undanúrslitin í Poweradebikarnum. Líkt og í fyrra þá mætir Snæfell þar Grindavík og nær vonandi að snúa úrslitunum í fyrra við. Í fyrra léku liðin hér á heimavelli Snæfells og þá sigraði Grindavík 71-74 eftir arfaslakan 3.leikhluta hjá Snæfelli.

Meira..»

Karfan byrjuð

Keppnistímabilið í körfunni hófst síðustu helgi en þá léku báðir meistaraflokkar Snæfells í Poweradebikarnum.  Stelpurnar mættu KR í Reykjavík og töpuðu stórt fyrir sterku liði KR 71-39.  KR stelpurnar byrjuðu strax af miklum krafti og náðu tuttugu stiga forskoti og eftir það var þetta á brattann hjá Snæfellsstelpunum. 

Meira..»

Snæfell mætir Stjörnunni

Snæfell mun hefja keppnistímabilið með leik gegn bikarmeisturum Stjörnunnar í 2.umferð Poweradebikars karla.  Það varð ljóst í kvöld þegar Stjarnan sigraði Hamar örugglega 103-83.  Leikur Snæfells og Stjörnunnar verður hér heima í Fjárhúsinu næsta sunnudag, 27.sept. kl.19:15.

Meira..»

Meistaraflokkarnir klárir

Starfinu hjá meistaraflokkunum í körfunni var formlega ýtt úr vör s.l. fimmtudag með kynningu á starfinu, leikmannahópunum og einnig undirskriftum leikmannasamninga.  Ingi Þór þjálfari beggja flokkanna rakti hvernig gengið hefði fram að þessu hvað framundan væri.  Hann var hógværðin uppmáluð varðandi góðan árangur strákanna fram að þessu en þeir hafa enn ekki tapað leik undir hans stjórn og unnu sem kunnugt er Reykjanes Cup æfingamótið.

Meira..»

Meistaraflokkar Snæfells kynna leikmenn og starfið

Í kvöld kl.18:00 munu stjórnir meistaraflokka Snæfells standa fyrir kynningu í Íþróttamiðstöðinni á leikmönnum sem og á starfinu í vetur.  Fyrirhugað var að hafa þessa kynningu í síðustu viku en henni var frestað þar til nú en það er ekki verri tímapunktur því bæði liðin hafa nú lokið nokkrum æfingaleikjum.  Það verðu því fróðlegt að heyra í Inga Þór þjálfara liðana fjalla um starfið það sem af er og veturinn framundan ásamt því að svara fyrirspurnum.

Meira..»

Snæfell lagði Fjölni

Snæfell lék æfingaleik við Fjölni í kvöld en Fjölnir eru eins og kunnugt er nýliðar í Iceland Expressdeildinni í ár.  Sem fyrr er Bárður þjálfari Fjölnis og einnig gekk Ingvaldur Magni til liðs við Fjölni í vor.  En þeir félagar máttu játa sig sigraða af Snæfelli í kvöld 65-97.  

Meira..»