Stykkishólmur fréttir

Opinn fundur í Stykkishólmi um breytingar á sjávarútvegsstefnu ESB

Ráðherraráð Evrópusambandsins og Evrópuþingið hafa náð samkomulagi um breytta og bætta sjávarútvegsstefnu ESB og til að kynna helstu efnisatriði hennar efnir Evrópustofa til opinna funda með Ole Poulsen, sérfræðingi í sjávarútvegsmálum ESB, í Stykkishólmi, Vestmannaeyjum og Reykjavík dagana 12. – 14. júní 2013. Fundurinn í Reykjavík er haldinn í samstarfi við Alþjóðamálastofnun Háskóla Íslands.

Meira..»

Landslið tónlistarfólks í Stykkishólmi í sumar

Í Stykkishólmskirkju sunnudagskvöldið 16. júní halda tónleika þau Sigga Beinteins, Guðrún Gunnars og Jógvan Hansen en þau eru að leggja upp í tónleikaferð um landið sem nefnist „Við eigum samleið“ Þau flytja gömlu góðu lögin sem allir þekkja og segja sögur milli laga eins og þeim einum er lagið. 12. júlí kemur svo Áhöfnin á Húna í Stykkishólmshöfn og verður með tónleika í beinni útsendingu á RÚV.

Meira..»

Sumartónleikar 2013

Stykkishólmskirkja sem arkitektinn Jón Haraldsson teiknaði var vígð árið 1990 og þótti mikið mannvirki í bæjarfélagi með innan við 1500 íbúa.  Í Stykkishólmi hefur verið öflugt menningar- og tónlistarlíf  í áratugi.  Þegar Stykkishólmskirkja var vígð flutti forláta Steinway flygill sem Jónas Ingimundarson valdi en bæjarbúar söfnuðu fyrir, úr félagsheimilinu í kirkjuna til frambúðar.  Orgel kom í kirkjuna úr gömlu kirkjunni í Stykkishólmi sem sérsmíðað hafði verið fyrir hana á sínum tíma.  Í janúar kom svo 22 radda glæsilegt Klais orgel í Stykkishólmskirkju annað tveggja Klais orgela á Íslandi, hitt verandi í Hallgrímskirkju í Reykjavík.  Enn og aftur söfnuðu bæjarbúar fé til orgelkaupanna.

Meira..»

25.889 kg af þorski í einni lögn

Áhöfnin á Bíldsey sem stödd er við Austfirði á veiðum þessa dagana hefur slegið enn eitt metið.  Í fyrradag gerðu þeir góðan túr þegar þeir lönduðu 25. 889 kg sem þeir fengu á 16.000 króka utarlega við Reyðarfjarðardjúp.  Aflinn var góður þorskur sem samsvarar um 808 kg á bala ef þeir væru í notkun í Bíldseynni.  Þetta er mesti afli sem þeir hafa fengið í einni lögn á línu.

Meira..»

Rækjuveiðar á Breiðafirði

Tilkynning frá atvinnuvega- og nýsköpunarráðuneytinu s.l. þriðjudag eru rækjuveiðar í sunnanverðum Breiðafirði heimilaðar frá miðnætti 14.5.2013.  Veiðarnar eru leyfðar vestan Krossanesvita fram til 1. júlí n.k.

Veiðarnar má ekki stunda með stærri skipum en 105 brl og skal varpa skipanna búin seiðaskilju eins og hún er skilgreind í reglugerðum frá ráðuneytinu.

Meira..»