Föstudagur , 21. september 2018
Minningartónleikar um Sigrúnu Jónsdóttur skólastjóra Tónlistarskóla Stykkishólms og fyrrum organista og kórstjóra Stykkishólmskirkju verða haldnir í Stykkishólmskirkju 19. mars n.k.

Minningartónleikar um Sigrúnu Jónsdóttur skólastjóra Tónlistarskóla Stykkishólms og fyrrum organista og kórstjóra Stykkishólmskirkju verða haldnir í Stykkishólmskirkju 19. mars n.k.

Minningartónleikar um Sigrúnu Jónsdóttur skólastjóra Tónlistarskóla Stykkishólms og fyrrum organista og kórstjóra Stykkishólmskirkju verða haldnir í Stykkishólmskirkju 19. mars n.k.

Sigrún var fædd í 21. desember 1968 en lést  5. september 2004 úr krabba-meini.   Sigrún starfaði sem organisti og sem kennari og síðar sem skólastjóri tón-listarskólans á árunum 1996 til dauðadags.  Sigrún stund-aði tónlistarnám á Íslandi og Englandi. Hún starfaði mikið með kórum bæði í London og  víðsvegar um landið.  Sigrún var mikil kirkjumanneskja og bar starf hennar vott um smekkvísi og tilfinningu fyrir hinu kirkjulega starfi. Það var Sigrúnu mikið hjartans mál að Stykkishólmskirkja fengi nýtt orgel og lagði hún hönd á plóginn í starfi sínu við kirkjuna með því m.a. að halda styrktartónleika þar sem ágóði rann í orgelsjóð.  Vinir og samstarfsmenn Sigrúnar og Hólmgeirs koma fram á tónleikunum sem marka mun upphaf söfnunarátaks um nýtt orgel í Stykkishólmskirkju.  Dagskrá tónleikanna er mjög glæsileg.  Meðal tónlistar-manna sem koma fram á þeim eru Sigríður Ella Magnúsdóttir mezzosópran, Gunnar Guðbjörnsson tenór, Nína Margrét Grímsdóttir píanó, Sigurður Halldórsson selló,  Kristinn Örn Kristinsson píanó,  Ármann Helga-son klarinett, Ingibjörg Þorsteinsdóttir píanó, Hallfríður Ólafsdóttir flauta, Hólmfríður Friðjónsdóttir, sópran, Martin Markvoll, trompet, Jóhanna Guðmundsdóttir, píanó, Aðalheiður Þorsteinsdóttir, píanó, Jón Svanur Pétursson, víbrafónn, Daði Þór Einarsson, básúna,  Martin Markvoll trompet,  Hafsteinn Sigurðsson, klarinett, harmonika, Lárus Pétursson, bassi, Hafþór Guðmundsson, trommur, Jósep Ó. Blöndal, píanó, Eydís Franzdóttir, óbó, Kór Stykkishólmskirkju auk fjölda annarra.
Tónlistin sem flutt verður er af ýmsu tagi, létt og sígild, íslensk og erlend.

Þegar blaðamaður Stykkishólms-Póstsins leit inn á æfingu hjá kirkjukór Stykkishólmskirkju í fyrrakvöld skein sönggleðin úr mannskapnum!  Jón Þorsteinsson tenór var þar mættur ásamt Tómasi organista og æfði söngfólkið af miklum móð.  Sannkölluð vítamínsprauta höfðu nokkrir á orði.  Jón mun þjálfa kórinn n.k. helgi fyrir tónleikana og er mikill fengur í að fá fagmennsku á af þessari stærðargráðu.
Hólmarar eru hvattir til að mæta á tónleikana og leggja þannig góðu málefni lið.
Þess má geta að útbúin verða gjafabréf vegna orgel-söfnunarinnar og verður nánar greint frá henni í næsta tölublaði.