Fimmtudagur , 23. nóvember 2017

Frábær árangur í stærðfræðikeppni

Stærðfræðikeppni grunn­skólanna var haldin í 19. sinn þann 24. mars síðastliðinn, í Fjölbrautaskóla Vesturlands á Akranesi. Í ár tóku tæplega 150 nemendur þátt, um 60 úr 8.bekk, 60 úr 9.bekk og um 30 úr 10. bekk og hafa keppendur aldrei verið fleiri. Þátttakendur komu úr átta grunnskólum af Vesturlandi auk þess sem nemendur úr Klébergsskóla á Kjalarnesi mættu. Frá Grunn­skóla Snæfellsbæjar tóku 9 nemendur þátt í keppninni.

Laugardaginn 8. apríl voru svo afhentar viðurkenningar fyrir góðan árangur. Allir nemendur úr Gsnb voru á meðal 20 efstu í sínum bekk. Sex þeirra fengu viðurkenningar fyrir að vera á meðal tíu efstu, tvö úr hverjum bekk. Tvö hrepptu peningaverðlaun en það voru þau Kristinn Jökull Kristinsson sem var í fyrsta sæti í 9. bekk og Fehima Líf Purisevic sem var í öðru sæti í 10. bekk. Óskum við öllum okkar þátttakendum, foreldrum þeirra og kennurum til hamingju með þennan frábæra árangur.

Birtist fyrst í Bæjarblaðinu Jökli