Þriðjudagur , 16. október 2018

Street Art Capital of Iceland


Eins og glöggir vegfarendur hafa tekið eftir eru veggirnir á húsnæði Hraðfrystihúss Hellissands á Hellissandi að taka á sig nýja mynd þessa dagana.
Listamennirnar sem þarna eru að verki koma allsstaðar að úr heiminum, flestir erlendir en þeir taka þátt í nýju verkefni Hellissandur; Street Art Capital of Iceland. Hugmyndina að þessu fékk Kári Viðarsson, leikari og athafnamaður fyrir nokkrum mánuðum og er það nú komið í framkvæmd. Von er á 8 listamönnum í sumar og munu þeir verja allt frá 1 til 6 vikum við að vinna að þessu verkefni. Flestir listamennirnar sóttu um að fá að taka þátt í verkefninu í gegnum alþjóðleg samtök sem heita ArtTrvl en það eru samtök fyrir listamenn sem sækjast eftir því að ferðast um heiminn og taka þátt í verkefnum sem þessum í leiðinni. Munu þeir mála myndir tengdar þjóðsögum af svæðinu og er vinna hafin við myndir úr sögu Axlar Björns og mun hún klárast á næstu dögum. Sögurnar sem verkin á húsnæði hraðfrystihússins munu byggjast á eru Bárðar Saga Snæfellsáss, sagan af Axlar Birni, Fróðárundrin, Ferðin að miðju jarðar eftir Jules Verne og sagan af því þegar geimverur áttu að lenda á Snæfellsjökli þann 5. nóvember 1993. Í framahaldi af þessu verða svo nokkrar fleiri byggingar á Hellissandi skreyttar af vegglistaverkum, meðal annars gamla slökkvistöðin við Naustabúð. Verður þetta verkefni án efa til að fegra bæjarfélagið, vekja verðskuldaða athygli og draga að ferðamenn.

þa