Laugardagur , 22. september 2018

Tónleikar með Stórsveit Snæfellsness og Samúel Jóni Samúelssyni

323083_10151100322107287_2019402064_o-2
Mynd: Facebook Samúel Jón Samúelsson Big Band

Á uppstigningardag, fimmtudaginn 5. maí, heldur Stórsveit Snæfellsness tónleika í hátíðarsal FSN í Grundarfirði. Stórsveitin er skipuð ungu tónlistarfólki af Snæfellsnesi, nemendum í Fjölbrautskóla Snæfellinga og að þessu sinni munu eldri félagar einnig leggja sveitinni lið.

Fönkið verður í forgrunni á tónleikunum, en á efnisskránni er meðal annars frumsamið efni sem krakkarnir hafa unnið að í vetur. Samúel Jón Samúelsson verður svo sérstakur gestur, en sveitin mun flytja lög eftir hann sem hann hefur útsett sérstaklega fyrir sveitina og hann mun einnig spila með. Stjórnandi sveitarinnar er Símon Karl Sigurðarson.

Verkefnið er styrkt af Uppbyggingarsjóði Vesturlands og fyrirtækjum á Snæfellsnesi.

Miðaverð er kr. 1.500, en frítt fyrir yngri en 18 ára.