Laugardagur , 22. september 2018

Grænt ljós á Snæfellsnesi

Guðrún Magnea fær græna ljósið. / Ljósmynd: Orkusalan

Orku­salan gerir nú öllum viðskipta­vinum sínum mögu­legt að fá svokallað Grænt ljós, þar sem öll raforku­sala er vottuð 100% endur­nýj­anleg með uppruna­á­byrgðum samkvæmt alþjóð­legum staðli, segir á heimasíðu Orkusölunnar. Gert hefur verið samkomulag við Lands­virkjun sem gerir Orkusölunni kleift að stað­festa að raforka sem seld er viðskipta­vinum uppfylli þessi skil­yrði.

„Orku­salan vill þannig hjálpa viðskipta­vinum sínum að styðja við aukn­ingu endur­nýj­an­legrar orku í Evrópu. Það felur einnig í sér tæki­færi fyrir viðskipta­vini til aðgrein­ingar á markaði þar sem græn vottun skiptir máli og eykur samkeppni­hæfni þeirra.“

Sveitarfélög á Snæfellsnesi fengu nýlega afhent Grænt ljós upprunavottorð frá Orkusölunni sem staðfestir að raforka á svæðinu er 100% vatnsorka.

Guðrún M. Magnúsdóttir tók á móti vottuninni fyrir hönd sveitarfélaganna sem eru með alþjóðlega umhverfisvottun Earth Check, og Græna ljósið er mikilvægur hlekkur í því að standast umhverfiskröfur þeirra.