Dzień Niepodległości

Pólski fáninn
Pólski fáninn

11. nóvember halda Pólverjar upp á sjálfstæði Póllands. Nokkur börn á leikskólanum eiga ættir sínar að rekja til Póllands og vill skólinn þess vegna halda daginn hátíðlegan. Væri það liður í að kynna menningu þeirra sem hingað koma fyrir íbúum og einnig tækifæri fyrir aðflutta íbúa að taka virkan þátt í starfi leikskólans.

Kemur þessi hugmynd frá foreldraráði og er unnið að skipulagningu dagsins í samráði við pólska foreldra barna í leikskólanum.

Börn eru beðin um að mæta í pólsku fánalitunum, rauðu og hvítu, í leikskólann og eigi þau pólska þjóðbúninga má koma í þeim. Pólska fánanum verður flaggað og boðið verður upp á andlitsmálningu fyrir börnin.

Krökkum af pólskum uppruna í Grunnskólanum verður boðið að koma á söngstund og syngja pólsk lög sem æfð hafa verið á leikskólanum. Í hádeginu verður svo boðið upp á pólskar kræsingar. Foreldrar eru hvattir til að mæta og taka þátt í hátíðinni. Stefnt er að því að halda upp á aðra þjóðhátíðardaga á leikskólanum með sama hætti í framtíðinni.

Hér fyrir neðan má sjá dagskrá dagsins á íslensku og pólsku frá leikskólanum.

  • Komum í rauðum og hvítum fötum ef við getum. (Fánalitir Póllands)
  • Þau börn sem eiga pólska þjóðbúninga eru beðin um að koma með þá eða í þeim
  • Við verðum með andlitsmálningu t.d. að mála fánana á sitt hvora kinn.
  • Flöggum pólska fánanum
  • Kl. 10 verður söngstund þar sem við bjóðum börnum af pólskum uppruna í grunnskólanum að koma og syngja með okkur.
  • Í hádeginu verður pólskur matur sem Joanna okkar og nokkrir foreldrar, bæði pólskir og íslenskir elda hér. Þar verður boðið upp á súpu og svo pinna með pylsu, súrri gúrku og osti.
  • Eins hafa pólsku foreldrarnir hérna bakað kökur sem verður boðið upp á sem eftirmat.
  • Allir foreldrar eru velkomnir og sérstaklega þeir pólsku, hvenær sem er dagsins.

  • Wszyscy przychodzimy w bialo-czerwonych ubraniach (kolory flagi polskiej)
  • Dzieci ,ktore maja stroje narodowe z Polski (moga byc rowniez sportowe,okulary ,czapki itp)proszone sa aby w tym dniu w nich przyszly,mozna rowniez przyniesc choragiewki
  • W przedszkolu bedziemy malowac rowniez na twarzach polskie flagi
  • Wywiesimy polska flage
  • O godzinie 10 bedzie wspolne spiewanie ,na ktore zaprosilismy rowniez  dzieci z polskimi korzeniami  ze szkoly  podstawowej
  • Na obiad podamy zupe pomidorowa oraz koreczki z kielbasa ,ogorkami kiszonymi i serem.
  • Polscy rodzice zaoferowali sie rowniez upiec  placki
  • Wszyscy rodzice a w szczegolnosci polscy sa mile widziani w przedszkolu przez caly dzien .