Fimmtudagur , 23. nóvember 2017

Lýðheilsugöngur Ferðafélags Íslands á miðvikudögum


Alla miðvikudaga í september mun Ferðafélag Íslands standa fyrir lýðheilsugöngum um allt land. Göngurnar eru hluti af afmælisdagskrá FÍ en félagið fagnar 90 ára afmæli á árinu. Göngurnar hefjast kl. 18:00 alla miðvikudaga vítt og breitt um landið og er fyrsta gangan 6. september. Um er að ræða fjölskylduvænar göngur sem taka u.þ.b. 60-90 mín. Tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.

Hér í Stykkishólmi verða göngur alla miðvikudaga í september og verið er að skipuleggja göngur víðar á Snæfellsnesi.

Göngur í Stykkishólmi:
6. september
kl. 18:00 – Nýrækt, Þröskuldar, meðfram sjónum að golfvellinum.
Upphafsstaður: Mæting á bílastæði við tjaldstæðið.
13. september
kl. 18:00 – Gengið í kringum Skjaldarvatnið.
20. september
kl. 18:00 – Sauraskógur.
27. september
kl. 18:00 – Berserkjagatan.
Upphafsstaður 13.
20. og 27. september: Mæting á bílastæðinu við íþróttahúsið og sameinast í bíla.

Allar upplýsingar um göngustaði og gönguleiðir má finna á heimasíðu verkefnisins www.fi.is/lydheilsa. Þar gefst almenningi einnig kostur á að skrá sig í lukkupott sem dregið verður úr í október og geta heppnir göngugarpar hreppt glæsilega vinninga.
Bæklingi er dreift inn á öll heimili í landinu auk þess sem hægt er að finna verkefnið á Facebook undir „Lýðheilsugöngur Ferðafélags Íslands“.

Reimið á ykkur gönguskóna, komið út að ganga á miðvikudögum í september og njótum náttúrunnar í sameiningu.

LIFUM OG NJÓTUM!