Laugardagur , 22. september 2018

Satay, kjúklingur, kúskús

Ég þakka bróður mínum honum Reyni Þór Eggertssyni fyrir áskorunina og sendi inn uppskrift af kjúklingasalatinu sem við fjölskyldan fáum aldrei nóg af.

Satay kjúklingasalat með kúskús

kjúklingabringur

Satay sósa ( mér þykir frá Thai choice langbest)

kúskús (án bragðefna eða með sólþurrkuðm tómötum)

spínat (eða annað gott salat)

rauðlaukur

rauð paprika

kirsuberjatómatar

avokadó

salthnetur

fetaostur

Skerið kjúklingabringurnar í bita og steikið á pönnu. Hellið satay sósunni yfir og látið malla þar til kjúklingurinn er eldaður í gegn.

Sjóðið kúskús eftir leiðbeiningum á pakka. Mér þykir gott að setja hálfan kjúklingatening í vatnið.

Skerið papriku og rauðlauk í strimla, kirsuberjatómata í tvennt og avokadó í sneiðar.

Setjið spínat í botninn á fati. Dreifið úr kúskúsinu yfir og setjið kjúklinginn og sósuna yfir kúskúsið. Stráið papriku, rauðlauk, kirsuberjatómötum, avokadó og fetaosti ásamt smá af olíunni yfir. Dreifið að lokum salthnetum yfir.

Gott er að hafa hvítlauksbrauð eða venjulegt snittubrauð með.

Ég skora á hann Þorbjörn Geir Ólafsson eða Bjössa að koma með einhver góða og girnilega uppskrift.